History · வரலாறு
The history of Tamil Eelam
தமிழீழ வரலாறு
The eras from the Jaffna Kingdom to today’s diaspora, and the events of the journey towards Tamil Eelam from 1970 to 2009, date by date.
யாழ்ப்பாண இராச்சியம் முதல் இன்றைய புலம்பெயர் தேசம் வரையான காலப்பகுதிகளும், 1970 முதல் 2009 வரை தமிழீழம் நோக்கிய பயணத்தின் நிகழ்வுகள் நாள் வாரியாகவும்.
Eras · காலப்பகுதிகள்
Through the eras
- 01 – 1619 Antiquity & the Jaffna Kingdom பண்டைய காலமும் யாழ்ப்பாண இராச்சியமும்
- 02 1619 – 1948 Colonial Rule காலனித்துவ ஆட்சி
- 03 1948 – 1975 After Independence சுதந்திரத்துக்குப் பின்
- 04 1976 – 1983 The Vaddukoddai Resolution வட்டுக்கோட்டைத் தீர்மானம்
- 05 1983 – 1990 The Armed Struggle ஆயுதப் போராட்டம்
- 06 1990 – 2009 The De Facto State தமிழீழ நடைமுறை அரசு
- 07 2009 Mullivaikkal முள்ளிவாய்க்கால்
- 08 2009 – Post-War & Diaspora போருக்குப் பின்னும் புலம்பெயர் தேசமும்
Timeline · காலவரிசை · 1970 – 2009
Date by date — on the journey towards Tamil Eelam
1970
1 entries
-
1970 இன் தொடக்கத்தில் இளைஞர்கள் ஆயுதப்போராட்டம்தான் ஒரே ஒரு தீர்வு என்று இடதுசாரிக் கிளர்ச்சிப் போக்குடன் பல குழுக்களாகப் போராட முன்வந்தார்கள். இதற்கு நில ஆக்கிரமிப்பு, தமிழ் மக்களைக் கொல்லுதல் என்று சிங்கள ஆட்சியாளர்களால் மேற்கொள்ளப்பட்டு வந்த அத்தனை அடக்குமுறைக்கும் எதிராக மேற்கொண்ட அகிம்சைப்போராட்டம் தோற்றுப்போனதே காரணமாக அமைந்தது.
Book p. 1
1972
1 entries
-
1972ல் பல குழுக்களாகத் தொடங்கிய இளைஞர்கள் அணி, பல சித்தாந்தக் குழப்பத்தினாலும், ஒடுக்கு முறையாலும் சிக்குண்டு போக புரட்சிகர அரசியல் இயக்கமாக "புதிய தமிழ்ப் புலிகள்" என்று புரட்சிகர சோசலிசச் சித்தாந்தத்தை முன்நிறுத்தி உருவாக்கினார்கள்.
Book p. 1
-
1976 மே 5ம் திகதி தலைவர் மேதகு வே. பிரபாகரன் 'புதிய தமிழ்ப் புலிகள்" என்று சிங்கள அரசுக்கெதிராகச் செயற்பட்ட அமைப்பிற்கு, தமிழீழம் நோக்கி 'தமிழீழ விடுதலைப் புலிகள்" என்று தமது அணிக்குப் பெயர் சூட்டி, இராணுவ அமைப்பும், அரசியல் அமைப்பும் ஒன்றிணைந்த ஒரு தேசிய விடுதலை இயக்கமாக மாறி ஈழத்தமிழர்களுக்கான புதிய அத்தியாயம் ஒன்றைத் தொடக்கி வைத்தார்.
Book p. 2
-
1976 மே 14ம் திகதி தமிழர் ஐக்கிய விடுதலை முன்னணி வட்டுக்கோட்டையில் மாநாடு நடத்தியது. தமிழீழ தனிநாடு அமைக்கும் தீர்மானம் இந்த மாநாட்டில் நிறைவேற்றப்பட்டது.
Book p. 2
-
1977ல் விடுதலைப்புலிகள் புலிச் சின்னத்துக்கான உருவப்படத்தை உருவாக்கினார்கள்.
Book p. 3
1978
5 entries
-
1978 ஏப்ரல் 7ம் திகதி வன்னியில் முருங்கனுக்கு அருகில் இருந்த விடுதலைப் புலிகளின் தளத்தைத் தாக்குவதற்கு காவல்துறை அதிகாரி பஸ்தியாம்பிள்ளை தலைமையில் சுற்றிவளைப்பு நடைபெற்றது. லெப்டினன்ட் செல்லக்கிளியின் தலைமையில் இத்தாக்குதல் முறியடிக்கப்பட்டு தாக்குதலுக்கு வந்த காவல்துறை அதிகாரிகள் சுட்டு வீழ்த்தப்பட்டார்கள்.
Book p. 3
-
1978 ஏப்ரல் 25ம் திகதி முதன்முதலில் விடுதலைப் புலிகள் தமது ஆயுத தாக்குதல்களுக்கு உரிமைகோரத் தொடங்கினார்கள்.
Book p. 4
-
1978 மே பாராளுமன்றம் புலிகள் இயக்கத்தைத் தடை செய்தது. இந்த நாள் தமிழர்கள் மீது எந்த வன்முறையும் செய்யலாம் என்ற அதிகாரம் சிங்கள காவல்துறைக்கும் சிங்கள இராணுவத்துக்கும் கொடுக்கப்பட்டது.
Book p. 4
-
1978 செப்டம்பர் 7ம் திகதி இரண்டாவது குடியரசு யாப்பு உருவாகுதல். இந்த யாப்பின் மூலம் ஜனாதிபதி என்பவர் சர்வ வல்லமையும் நிறைவேற்றதிகாரமும் கொண்ட அதிபராக அப்பதவியை உயர்த்திக்கொண்டார். பௌத்த சிங்களக்குடியரசு என்பதை இந்த யாப்பு உறுதிப்படுத்திக்கொண்டது. இந்த யாப்பு புலிகளை ஒழிக்க முழுமையான சர்வாதிகார அதிகாரங்களையும் வழங்கியது. இப்புதிய யாப்பு ஜனாதிபதியை அரச அதிபராகவும், நிறைவேற்று அதிகாரம் உடைய அரசாங்கத் தலைவராகவும், முப்படைகளதும் பிரதம தளபதியாகவும் புதிய விகாரத்தை ஏற்படுத்தியது.
Book p. 5
-
1978 செப்டெம்பர் 7ம் திகதி கொண்டுவரப்பட்ட இந்த மாற்றத்திற்கு ஈழத்தமிழ் அரசியல்வாதிகள் தமது எதிர்ப்பையோ, அதிருப்தியையோ தெரிவிக்கத் தவறியதால், இந்த நிகழ்வின் எதிர்ப்பை எல்லோருக்கும் காட்ட விடுதலைப் புலிகள் இலங்கை பயணிகள் விமானநிறுவனத்துக்குச் சொந்தமான ஒரே ஒரு அவ்ரோ விமானத்தைக் குண்டு வைத்து தகர்த்தனர்.
Book p. 5
-
1979 இங்கிலாந்து உளவுத்துறையான எம்.ஐ.5 இன் முன்னாள் இயக்குனர் ஜாக் மார்ட்டன் சிறீலங்காவுக்குப் பயணம் செய்து சிறீலங்காவின் புலனாய்வு எந்திரத்தின் முழு மறுசீரமைப்புக்கான நடைமுறை ஆலோசனைகளை வழங்கினார்.
Book p. 6
-
1979 யூன் 20ம் திகதி விடுதலைப்புலிகள்மேல் பயங்கரவாதத் தடைச்சட்டத்தை சிறீலங்கா அரசு பாராளுமன்றத்தில் கொண்டுவந்தது.
Book p. 6
-
1979 யூன் 30ம் திகதி விடுதலைப்புலிகள் தடைச்சட்டத்துடன் சேர்த்து பயங்கரவாதத் தடைச்சட்டமும் நிறைவேற்றப்பட்டது. இந்தத் திகதியில் இருந்து தமிழ் மக்களைக்கொல்வது சட்டமாக்கப்பட்டது என்றே எடுத்துக்கொள்ளலாம்.
Book p. 7
1980
1 entries
-
1980ம் ஆண்டு காலத்திலிருந்து தமிழர்களின் ஆயுதப் போராட்டத்தை முறியடிக்க பிரித்தானியாவால் சிறீலங்கா இராணுவத்திற்கு பலவிதமான இராணுவ உதவிகள் வழங்கப்பட்டது.
Book p. 7
-
1981 யூலை இலங்கை பாதுகாப்பு அமைச்சர் லலித் அத்துலக்முதலி தானே முன்வந்து அவர் தலைமையில் விமானம் மூலம் மனிதக்கழிவுகள் தமிழர் வாழ்விடங்கள்மேல் வீசி எறியப்பட்டது.
Book p. 8
-
1981 யூலை 1ம் திகதி (வைகாசி 31 நள்ளிரவு) யாழ் நூலகம் எரிக்கப்பட்டது, இதில் பல ஆயிரக்கணக்கான அரிய நூல்களும் அரிச்சுவடிகளும் சிங்கள அரசின் ஆட்சியாளர்களின் கட்டளைக்கமைய சாம்பலாக்கப்பட்டது.
Book p. 8
-
1981 ஒக்ரோபர் 15ம் திகதி சாள்ஸ் அன்ரனி (சீலன்) தலைமையில் காங்கேசன்துறை வீதியில் இராணுவ ஜீப் வண்டி ஒன்றைத்தாக்கி இரு இராணுத்தை அழித்து, சிங்கள இராணுவத்துக்கு எதிரான முதலாவது தாக்குதலை புலிகள் தொடக்கி வைத்தார்கள்.
Book p. 9
-
1982ல் தமிழீழ விடுதலைப்புலிகளின் முதல் தாக்குதல் பிரிவு உருவாக்கப்பட்டது, அதற்கு லெப்டினன்ட் சீலன் (ஆசீர்) பொறுப்பாக நியமிக்கப்பட்டார்.
Book p. 9
-
1982 யூலை 2ல் நெல்லியடியில் ரோந்து சென்ற ஜீப் மீது தாக்குதல் நடத்தி நான்கு சிங்கள காவலர்களை அழித்து தாக்குதல் தொடர்ந்தது.
Book p. 10
-
1982 ஒக்ரோபர் 27 அன்று சாவகச்சேரி காவல் நிலையம் விடுதலைப்புலிகளால் தாக்கப்பட்டது. லெப்டினன்ட் சீலனின் தலைமையில் இது நடந்தேறியது.
Book p. 10
-
1982 நவம்பர் 20ம் திகதி யாழ்ப்பாணம் நாவலர் வீதியிலுள்ள புலிகளின் ஆதரவாளர் ஒருவரின் வீட்டுக்கு சங்கர் சென்றிருந்த வேளை சிறீலங்கா காவல்துறையால் சுற்றிவளைக்கப்பட, அதில் இருந்து தப்புவதற்காக எதிர்த்தாக்குதல் நடாத்தியபடி அவ்விடத்தை விட்டு நீங்க முற்படுகையில், வயிற்றில் காயப்பட்டு, பெரும் சுற்றிவளைப்புக்கு மத்தியில் 5ம் நாள் கழிந்து தமிழகம் கொண்டு செல்லப்பட்டு, மதுரையில் சிகிச்சை பலனின்றி 1982 கார்த்திகை 27ம் திகதி தனது உயிரை இந்த மண்ணுக்காக முதல் வித்தாக விதைத்தான். விடுதலைப்புலிகள் இயக்கத்தின் மாவீரர் என்ற வரலாற்று அத்தியாயம் தொடங்கிய நாள்.
Book p. 11
-
1983ம் ஆண்டு சிறிலங்கா இராணுவத்தினரின் நடவடிக்கையில் முன்னேற்றம் ஏற்படுத்துவதற்கு சிறீலங்கா காவல்துறை அதிகாரிகள் பெல்ஃபாஸ்ட் நகருக்கு அழைக்கப்பட்டு இரகசிய துணை இராணுவப்பயிற்சி மற்றும் கமாண்டோ வகுப்புக்கள் எடுக்கப்பட்டது.
Book p. 12
-
1983 விடுதலைப்புலிகளால் தங்கள் இயக்க பாதுகாப்புக்காக புலனாய்வுப் பிரிவு உருவாக்கப்பட்டது.
Book p. 15
-
1983 மார்ச் 7-15ம் திகதிவரை அணிசேரா நாடுகளின் ஏழாவது உச்சி மாநாடு புதுடில்லியில் நடைபெற்றது. புலிகள் மகஜர் ஒன்றை இந்த மாநாட்டில் சமர்ப்பித்து, தமிழீழ தேசிய விடுதலைப்போராட்டத்தை முன்னின்று நடாத்தும் இயக்கமாக விடுதலைப்புலிகள் முதன் முதலில் அனைத்துலக அரங்கில் தங்களை அடையாளப்படுத்தினார்கள்.
Book p. 11
-
1983 யூலை 15ம் திகதி சிறீலங்கா இராணுவத்தால் சுற்றிவளைக்கப்பட்டனர் சீலன் அணியினர். நேரடி மோதலில் காயப்பட்ட சீலன், 'என்னை சுட்டுவிட்டு ஆயுதத்தை எடுத்துக்கொண்டு பின்வாங்குங்கள்" என்று சொல்லி முதல் தாக்குதல் தளபதி வீரகாவியமாகின்றான்.
Book p. 12
-
1983 யூலை 23ம் திகதி அன்று 13 இராணுவத்தினர் யாழ் திருநெல்வேலியில் வைத்து புலிகளால் கொல்லப்பட்டனர். இதுவே ஈழப்போர்-1 என்று வரலாறு பதிவாக்கியிருந்தது. 23ம் திகதி நள்ளிரவு தொடங்கி சிங்கள வெறியர்கள் விரட்டி விரட்டி தமிழர்களை வேட்டையாடினார்கள். கொலை, கொள்ளை, பலாத்காரம், தீவைப்பு என்று பயங்கரங்கள் நாடு முழுவதும் நடந்தேறின. இப்படியான ஒரு எதிர்வினை திடீரென நடந்துவிட முடியாது. இது முன்கூட்டியே திட்டமிட்டு சிங்களவர்களின் மனங்களில் தமிழர் எதிர்ப்புணர்வு ஏற்றப்பட்டு இருந்தது. இதற்கான ஆதாரம், கொழும்பில் தமிழர்களின் கோடிக்கணக்கான சொத்துக்கள் குறிவைக்கப்பட்டு சூறையாடி அழித்தொழிக்கப்பட்ட பொழுது தெரிந்தது.
Book p. 13
-
1983 யூலை 25ம் திகதி அன்று 35 ஈழத்தமிழர்கள் வெலிக்கடைச் சிறையில் படுகொலை செய்யப்பட்டார்கள். இங்கு சிறையில் இருந்த திரு குட்டிமணி, திரு தங்கத்துரை ஆகியோர் மிகக்கொடூரமாக சித்திரவதை செய்து கொல்லப்பட்டார்கள். கொடூரத்தின் உச்சமாக திரு குட்டிமணியின் கண்கள் உயிருடன் பிடுங்கப்பட்டு, இப்போது தமிழீழத்தைப் பார் என்று சொல்லி சித்திரவதை செய்து கொல்லப்பட்டார்.
Book p. 13
-
1983 யூலை 27ம் திகதி மேலும் 17 ஈழத்தமிழர்கள் வெலிக்கடைச்சிறையில் படுகொலை செய்யப்பட்டார்கள்.
Book p. 14
-
1983 ஒக்ரோபர் திரு பிரபாகரன் சில மூத்த தளபதிகளையும் புதிய போராளிகளையும் அழைத்துக்கொண்டு பயிற்சி கொடுப்பதற்காக இந்தியாவில் உள்ள உத்திரப்பிரதேசத்தில் டெக்ராடன் என்ற இடத்துக்கு சென்றார்கள். அங்கு இந்திய இராணுவத்தால் பயிற்சி கொடுக்கப்பட்டது. தலைவர் திரு பிரபாகரனும், மூத்த போராளிகளும் அதனை மேற்பார்வை செய்தார்கள். இந்தியப் பயிற்சியின் போது முன்னின்று உழைத்த பெருமை லெப்.கேணல் பொன்னம்மானையே சாரும்.
Book p. 14
-
1984 'விடுதலைப்புலிகள்" இதழ் விடுதலைப்புலிகளால் ஆரம்பிக்கப்பட்டது.
Book p. 17
-
1984ல் வன்னிக்காட்டுப்பகுதியில் சட்டவிரோதமாக வெட்டிக் கடத்தப்பட்ட மரங்களும் வாகனங்களும் திரு குட்டி அவர்களால் பறிக்கப்பட்டு அனுமதி இல்லாமல் காடுகளில் மரங்கள் வெட்டுவது தடைசெய்யப்பட்டது. பின்னைய நாட்களில் புலிகளால் வனவளப்பகுதி ஆரம்பிக்கப்பட்டு வனப்பாதுகாப்பு மற்றும் புதிய மரங்களை வளர்த்தல் போன்ற பாரிய முன்னெடுப்புகளை ஏற்படுத்தியிருந்தார்கள்.
Book p. 21
-
1984ல் இருந்து 1987 வரை இங்கிலாந்து வெளியுறவு அலுவலகத்தின் எவ்விதமான ஆட்சேபணையும் இன்றி பிரிட்டிஸ் கூலிப்படைகள் சிறீலங்காவில் இயங்கி வந்தனர்.
Book p. 23
-
1984 பெப்ரவரி 24ம் திகதி இந்தியப்பயிற்சியை முடித்துக்கொண்டு தமிழீழம் திரும்பிய விடுதலைப்புலிகள், கேணல் கிட்டுவின் தலைமையில் குருநகர் இராணுவ முகாமை அடியோடு தகர்த்தெறிந்தார்கள்.
Book p. 16
-
1984 பெப்ரவரி 27ம் திகதி பிரிட்டன் அரசாங்கத்துக்குச் சொந்தமான ஹோட்ஸ்பர் 20 கவசவாகனங்கள், கடற்படை பயிற்சி மற்றும் விரிவாக்கம் தொடர்பாக ஜெ.ஆர் ஒப்பந்தம் ஒன்றைச் செய்திருந்தார். (அமெரிக்காவும் இந்த உதவி ஒப்பந்தத்தில் பங்குபற்றியிருந்தது)
Book p. 15
-
1984 மார்ச் 'சுதந்திரப்பறவைகள்" என்ற பத்திரிகை தமிழீழப் பெண்களால் தொடக்கிவைக்கப்பட்டது.
Book p. 17
-
1984 மார்ச் 11-17 'சண்டே" என்ற ஆங்கில வார ஏட்டில் முதன்முதலில் தலைவர் மேதகு வே.பிரபாகரனின் முழு நேர்காணல் பிரசுரமாகியிருந்தது. பத்திரிகையாளர் அனிதா பிரதாப் அவர்கள் இந்த நேர்காணலைச் செய்திருந்தார். தமிழீழம் கைகூடிவிட்டால், அது எவ்வகையான நாடாக அமையும் என்ற பத்திரிக்கையாளரின் கேள்விக்கு, தலைவர் திரு.பிரபாகரன் தமிழீழம் ஒரு சோசலிச அரசாக அமையப்பெறும் என்று பதிலளித்திருந்தார்.
Book p. 16
-
1984 மார்ச் 15ம் திகதி புரட்சிகர மக்கள் இராணுவம் புலிகள் தலைமையில் உருவாகின்றது என்பதை தலைவர் திரு பிரபாகரன் தமது உத்தியோகபூர்வ பத்திரிகை மூலமாக வெளியிட்டார்.
Book p. 18
-
1984 ஏப்ரலில் திரு எம்.ஜீ.ஆர் அவர்களுக்கும் தலைவர் திரு பிரபாகரன் அவர்களுக்கும் ஏற்பட்ட பழக்கம் போராட்டவளர்ச்சிக்கான சிறந்த நட்பாக வளர்ந்தது.
Book p. 18
-
1984 மே 19 அமெரிக்காவில் இருந்த வைத்தியர் பஞ்சாட்சரம் அவர்களுக்கு திரு பிரபாகரன் அவர்கள் ஒரு பதில் கடிதம் எழுதியிருந்தார். அதில் பிற நாடுகளின் உளவுப்பிரிவுக்குள் எமக்கான போராட்ட விடயங்களை விவாதிப்பது நல்லதல்ல என்ற ஒரு முக்கிய செய்தியை அவருக்குத் தெரிவித்திருந்தார்.
Book p. 19
-
1984 யூலை மாதம் விடுதலைப்புலிகள் பாலஸ்தீனத்துக்கு ஆதரவான நிலைப்பாட்டை உறுதிசெய்து, இஸ்ரேல் அரசையும் அதன் புலனாய்வு அமைப்பையும் பிணந்தின்னிகள் என்று அறிவித்திருந்தனர்.
Book p. 20
-
1984 யூலை 15ம் திகதி பருத்தியடைப்பு என்ற கிராமத்தில் நிறுத்திவைக்கப்பட்ட கடல் விமானத்தை விடுதலைப்புலிகள் தீயிட்டு நாசமாக்கினர்.
Book p. 19
-
1984 ஆகஸ்ட் 4ம் திகதி பொலிகண்டி கிராமத்தில் கடற்கரையில் நின்ற புலிகளின் மோட்டார்ப்படகை சிறீலங்கா கடற்படை சுற்றிவளைக்க சண்டை மூண்டது, இதுவே கடற்படையினரை எதிர்த்து சண்டையிட்ட முதல் நிகழ்வாக அமைந்தது.
Book p. 20
-
1984 ஆகஸ்ட் 5 ஒட்டிசுட்டான் காவல் நிலையம் புலிகளால் தாக்கி அழிக்கப்பட்டது.
Book p. 21
-
1984 செப்டெம்பர் 22ம் திகதி மட்டக்களப்பு களுவாஞ்சிக்குடி காவல் நிலையம் மீது நடத்திய தாக்குதலில் மட்டக்களப்பு மாவட்டத்தின் மூத்த தலைவர்களில் ஒருவரான லெப்டினன்ட் ராஜா (பரமதேவா) மட்டு நகரின் முதல் மாவீரரானார். (இவருடன் வீரவேங்கை ரவி என்பவரும் வீரச்சாவடைந்தார்) வடக்கு கிழக்கு என்ற எந்த வேறுபாடும் இல்லாமல் தமிழீழம் என்ற ஒற்றைச்சொல்லில் போராளிகள் பயணிப்பதற்கு அத்திவாரம் இட்ட மகத்தான வீரன்.
Book p. 22
-
1984 டிசெம்பர் 21 மணலாற்றுப்பிரதேசத்தை தடைப்பிரதேசமாக பிரகடனப்படுத்தியது சிறீலங்கா. இப்பிரதேசத்தில் உருவான இராணுவ நிலைகள் மீது புலிகள் தாக்குதலை நடத்தி இராணுவத்தையும் அதன் புதிய சிங்களப்பரம்பலையும் தடுத்தே வந்தனர். சிங்கள மற்றும் இந்திய இராணுவ நடவடிக்கையை கடுமையாக எதிர்த்துப் போராடிய களம் என்பதால், இப்பகுதி வரலாற்றில் இதயபூமி என்று அழைக்கப்பட்டது.
Book p. 22
-
1985 தமிழர் புனர்வாழ்வுக்கழகம் ஆரம்பித்து வைக்கப்பட்டது. சிறிலங்கா அரசின் பொருளாதாரத்தடைகளை உடைத்து, மக்களுக்கான சுயதொழில் வளர்ச்சி மற்றும் பல்வகை தொழில்வாய்ப்புகளை உருவாக்கி மக்களின் இயல்பு வாழ்க்கையை ஏற்படுத்திய அமைப்பாக வளர்ந்திருந்தது.
Book p. 23
-
1985 பெப்ரவரி 13 முல்லைத்தீவு மாவட்டத்தில் உள்ள கொக்குளாய் இராணுவமுகாம் புலிகளால் முதன்முதலாக தாக்கி அழிக்கப்பட்டது. இதிலிருந்து இராணுவமுகாம்கள் தாக்கி அழிக்கப்படத் தொடங்கியிருந்தது.
Book p. 24
-
1985 மார்ச் 19ம் திகதி நாகர்கோவில் பகுதியில் மக்களின் அன்றாட வாழ்வை அச்சுறுத்திவந்த உலங்கு வானூர்தியை விடுதலைப்புலிகள் சுட்டு வீழ்த்தினார்கள்.
Book p. 24
-
1985 ஏப்ரலில் பத்திரிகை மூலம் புலிகள் விரும்புவது உண்மையான நிரந்தரமான ஒருமைப்பாட்டையே. இந்த ஒருமைப்பாடானது புரட்சிகர பாட்டாளி வர்க்கத் தலைமையைக் கட்டி எழுப்பும் இலக்கைக் கொண்டதாக இருக்கவேண்டும் என்று தலைவர் திரு பிரபாகரன் பகிரங்க வேண்டுகோள் விடுத்தார்.
Book p. 25
-
1985 ஏப்ரல் 10 விடுதலை முன்னணித் தலைவர்களுக்கும் தலைவர் திரு பிரபாகரனுக்குமிடையில் சந்திப்பு நடைபெற்றது. இந்தியாவின் வெளியுறவுக்கொள்கையில் ஏற்பட்ட அரசியல் மாற்றத்தை முகம் கொடுக்க இச்சந்திப்பு நடந்திருந்தது.
Book p. 25
-
1985 யூன் 18 சிங்கள ஆயுதப்படைகளுக்கும் விடுதலைப்புலிகள் இயக்கத்துக்கும் மத்தியில் முதற்தடவையாகப் போர்நிறுத்தம் ஏற்பட்டது.
Book p. 26
-
1985 யூலை 8ம் திகதி பூட்டான் தலைநகரான திம்புவில் மாநாடு கூட்டப்பட்டது. இந்த திம்பு பேச்சில் முன்வைக்கப்பட்ட கோரிக்கைகள். 1.தமிழர்களை தனித்தேசிய இனமாக ஒப்புக்கொள்ளல். 2.தமிழரின் தாயகத்தை ஒப்புக்கொள்ளல். 3.தமிழர்களின் சுயநிர்ணய உரிமையை ஒப்புக்கொள்ளல். 4.இலங்கையிலுள்ள தமிழர்கள் அனைவருக்கும் குடியுரிமை வழங்கல். இந்த நான்கு கோரிக்கைகளில் ஒன்றைத்தானும் திரு ஜே.ஆர் ஏற்றுக்கொள்ளவும் இல்லை ஒப்புக்கொள்ளவும் இல்லை.
Book p. 26
-
1985 ஆகஸ்ட் 12 திம்புவில் இரண்டாம் கட்ட பேச்சுவார்த்தை தொடங்கியது.
Book p. 27
-
1985 ஆகஸ்ட் 16ம் திகதி வவுனியாவில் சிங்கள இராணுவத்தால் தமிழர்கள் கொல்லப்பட்டு, பல தமிழர்களின் உடைமைகள் தீக்கிரையாக்கப்பட்டன.
Book p. 27
-
1985 ஆகஸ்ட் 17 திருகோணமலையில் தமிழ்க்கிராமத்துக்குள் புகுந்த சிங்கள இராணுவம் தமிழர்களை கண்மூடித்தனமாகக் கொன்றது. பேச்சுவார்த்தை என்று சொல்லிக்கொண்டு ஒருபுறம் பேசும்போது, மறுபுறம், ஈழத்தில் படுகொலையை மேற்கொள்ளும் தரப்புடன் என்ன அடிப்படையில் பேசுவது. இதனால் தமிழ்த்தரப்பு திம்புப்பேச்சில் இருந்து வெளியேறவேண்டிய கட்டாயம் ஏற்பட்டது.
Book p. 28
-
1985 செப்டெம்பர் தமிழீழ மக்களுக்கான குறைந்தபட்சம் எந்த விடயங்களையும் ஏற்றுக்கொள்ள சிங்கள அரசு மறுத்து, பேச்சுவார்த்தை என்று சொல்லி நாட்களையும் காலத்தையும் இழுத்தடித்து வெளிநாடுகளுக்கு தாம் சமாதானத்தில் ஈடுபட்டுள்ளோம் என்று சொல்வதற்கான இந்த திம்பு பேச்சு தோல்வியில் முடிந்தது. இதனை தலைவர் வே.பிரபாகரன் அவர்களே தமிழீழ மக்களுக்கு அறிவித்திருந்தார்.
Book p. 28
-
1986 ஒக்ரோபர் 12,13 மன்னார் அடம்பன் இராணுவ முகாம் தாக்குதலே முதலாவது விடுதலைப்புலிகளின் மகளிர் அணி பங்குபற்றிய போர்க்களம். லெப்டினன்ட் கேணல் விக்ரர் தனது தலைமையில் பெண்களை போர்க்களம் அழைத்துச் சென்று களமாடினார். அத்தாக்குதலில் அவர் வீரச்சாவு அடைந்தார்
Book p. 29
-
1986 நவம்பர் “The Hindu” என்ற பத்திரிக்கைக்குதலைவர் திரு.பிரபாகரன் அவர்கள் கொடுத்த பேட்டியில் சோசலிசத் தத்துவமே எமது அரசியல் சித்தாந்தம். தமிழீழமே எமது அரசியல் குறிக்கோள் என்பதை மிகத் தெளிவாக வெளிப்படுத்தியிருந்தார்.
Book p. 30
-
1986 நவம்பர் 17 பெங்களுர் பேச்சுவார்த்தை நடந்தது.
Book p. 29
-
1986 நவம்பர் 22 தமிழ்நாட்டில் தொலைத்தொடர்பு கருவிகள் இந்திய காவல்துறையால் பறிக்கப்பட்டதைத் தொடர்ந்து தலைவர் திரு பிரபாகரன் உண்ணா நோன்பு தொடங்கினார். 23ல் தொலைத்தொடர்புக் கருவிகள் மீளத்தரப்பட்டதை அடுத்து உண்ணா நோன்பு முடிவுற்றது.
Book p. 30
-
1987 மே 26 'ஒப்பரேசன் லிபரேசன்" என்ற பெயரில் பெரும் இராணுவ நடவடிக்கையை வடமராட்சியில் சிறீலங்கா அரசு அரங்கேற்றியது.
Book p. 31
-
1987 யூலை 4ல் இந்திய மிராஜ் போர்விமானங்கள் உதவியுடன் ஏ.என் 32 போக்குவரத்து விமானம் மூலம் 25 தொன் உணவுப்பொருட்களை தமிழீழத்தின் வடபகுதியின் ஆகாயப்பரப்பில் இருந்து 'ஒப்பரேசன் பூமாலை' என்ற பெயரில் மக்களை நோக்கிக் கொட்டியது. சிறீலங்கா அரசை தன்னுடைய அரசியல் ஓட்டத்தில் வரச்செய்வதற்காக இது செய்யப்பட்டது.
Book p. 31
-
1987 யூலை 5 - நெல்லியடி இராணுவ முகாமிலிருந்து சிறிலங்கா இராணுவம் 'ஒப்பரேசன் லிபரேசன்' என்ற பெயரில் செய்த நாசகாரவேலைகளுக்கு அளவே இல்லை. பாரிய இராணுவ ஆக்கிரமிப்பைத் தடுப்பதற்காக பலவீனமான மக்களிலிருந்து பலமான எதிர்ப்பாக கப்டன் மில்லர் மூலம் கரும்புலித்தாக்குதலை நிகழ்த்தி, தமிழீழத்துக்கான தேவை எவ்வளவு அவசியமானது என்பதை எல்லோருக்கும் தெரியப்படுத்திய நாள்.
Book p. 32
-
1987 யூலை 23 சுதுமலை அம்மன் கோயில் வெளியில் இந்திய உலங்குவானூர்தி தரையிறங்கி தலைவர் திரு பிரபாகரன், திரு யோகரத்தினம் யோகி மற்றும் லெப்டினன்ட் கேணல் திலீபன் ஆகியோரை இந்தியப்பிரதமரின் அழைப்பின் பெயரில் அவரைச் சந்திப்பதற்கு புதுடில்லி அழைத்துச் சென்றது. தேசத்தின் குரல் திரு அன்ரன் பாலசிங்கமும் இடையில் இணைந்துகொண்டு பிரதமரைச் சந்திக்கப் பயணமானார்.
Book p. 32
-
1987 யூலை 28 தலைவர் திரு பிரபாகரன், தேசத்தின் குரல் திரு அன்ரன் பாலசிங்கம், திரு ராஜிவ் காந்தி, திரு நாராயணன், திரு பண்டுருட்டி இராமச்சந்திரன் சந்தித்து உரையாடினார்கள்.
Book p. 33
-
1987 யூலை 29ம் திகதி இந்திய இலங்கை உடன்படிக்கை கைச்சாத்திடப்பட்டது. இது திரு ராஜிவ், திரு ஜே.ஆர் இடையே ஏற்படுத்தப்பட்ட உடன்படிக்கை. இந்த உடன்படிக்கையில் வடக்கும் கிழக்கும் ஈழத்தமிழர்களின் தாயகம் என்று ஏற்றுக்கொள்ளப்பட்டபோதும், போர்நிறுத்த வாய்ப்பை பயன்படுத்தி வடக்கு கிழக்கில் சிங்களக் குடியேற்றங்களை எவ்வித எதிர்ப்புமின்றி சிறீலங்கா அரசு முழுவீச்சாக விரைவுபடுத்தியது, இதை இந்திய அரசு கண்டும் காணாது இருந்தது.
Book p. 33
-
1987 யூலை 29ம் திகதி இந்திய சிறீலங்கா ஒப்பந்தத்தைத் தொடர்ந்து இந்தியப்படை இலங்கை வருகை.
Book p. 34
-
1987 ஆகஸ்ட் 4 சுதுமலையில் தமிழீழ மக்களின் மத்தியில் இந்தியாவின் நிலைப்பாடு, சிங்கள அரசின் நிலைப்பாடு மற்றும் புலிகளின் நிலைப்பாடு என்பவற்றை ஒரு கொள்கை விளக்கமாகவே மக்களுக்குத் தெரியப்படுத்தியிருந்தார் தலைவர் திரு பிரபாகரன்.
Book p. 34
-
1987 ஆகஸ்ட் 5 விடுதலைப்புலிகள் தமது ஆயுதங்களை இந்திய அமைதிப்படையிடம் கையளித்தார்கள், இந்தியா தமிழ் மக்களுக்கும் தமிழீழ மண்ணுக்கும் தாம் பாதுகாப்பாக இருப்பதாக உறுதியளித்திருந்தார்கள்.
Book p. 35
-
1987 செப்டெம்பர் 15ம் திகதி யாழ் நல்லூரில் விடுதலைப்புலிகளின் அரசியல் துறை பொறுப்பாளராக இருந்த லெப்டினன்ட் கேணல் திலீபன், இந்தியாவின் உண்மை முகத்தைக் காட்டுவதற்காக தலைவரின் அனுமதியுடன் நீர்கூட அருந்தாது மிகக் குறைந்தபட்ச ஐந்து அம்சக் கோரிக்கைகளை முன்வைத்து சாகும் வரையான உண்ணா நோன்பைத் தொடங்கினார். தமிழீழ விடுதலைப்புலிகளின் ஒட்டுமொத்த அரசியல் வடிவம், விடுதலைப் புலிகளின் தத்துவங்கள் அனைத்தையும் மக்களிடம் கொண்டு சேர்த்தவரும் அவரே, அத்தத்துவங்களை செயல்வடிவில் உருவாக்கியவரும் அவரே. அவர் கூறிச்சென்ற அரசியல் என்ன என்பதைப் புரிந்தாலே தமிழீழத்தின் தேவை என்ன என்பதை இலகுவாகப் புரிந்து கொள்ளமுடியும். 1.வடக்கிலும் கிழக்கிலும் சிங்களக் குடியேற்றங்கள் நிறுத்தப்படவேண்டும். 2.சிறைகளில் இருக்கும் தமிழ்க்கைதிகள் விடுவிக்கப்படவேண்டும். 3.அவசரகாலச்சட்டம் முற்றாக நீக்கப்படவேண்டும். 4.ஊர்காவல் படைக்கு வழங்கப்பட்ட ஆயுதங்கள் மீளப் பெறப்படவேண்டும். 5.தமிழீழத்தில் புதிதாக திறக்கப்படும் காவல் நிலையங்கள் நிறுத்தப்படவேண்டும்.
Book p. 35
-
1987 செப்டெம்பர் 26ம் திகதி தியாகி லெப்டினன்ட் கேணல் திலீபன் வீரச்சாவைத் தழுவிக்கொண்டார். அவரது வீரச்சாவு இந்தியா வின் உண்மை முகத்தை ஈழத்தமிழருக்கு மட்டுமல்ல உலகத்துக்கே காட்டியதுடன் ஈழ மக்களுக்கும் அரசியல் தெளிவூட்டியது.
Book p. 37
-
1987 ஒக்ரோபர் 2ம் திகதி பருத்தித்துறைக் கடலில் வைத்து லெப்டினன்ட் கேணல் குமரப்பா, லெப்டினன் கேணல் புலேந்திரன் உட்பட பல புலி உறுப்பினர்களை சிங்களக்கடற்படை கைதுசெய்து கொழும்பு அழைத்துச்செல்ல முற்பட்டது. இதில் இந்தியா தன்னால் ஒன்றும் செய்யமுடியாது என்று கையை விரித்தது. ஐப்பசி 5ம் திகதி அத்தனை அற்புதமான போராளிகளையும் தமிழினம் இழந்தது. இதன்மூலம் இந்திய இராணுவம் தமிழர்களுக்காக வரவில்லை தனது பிராந்திய நலனுக்காக புலிகளை அழிக்க வந்தமை தெரியவர புலிகள் இந்திய இராணுவத்தை எதிர்க்கவேண்டிய தேவை தவிர்க்க முடியாததாகியது.
Book p. 37
-
1987 ஒக்ரோபர் 9ல் சிறீலங்கா அரசு விடுதலைப்புலிகளைத் தடைசெய்யும் அறிவிப்பை நள்ளிரவு வெளியிட்டார்கள். அன்றைய நாள் நள்ளிரவில் புலிகளின் ஒளிபரப்பு நிறுவனமான 'நிதர்சனம்" இந்திய இராணுவத்தால் கைப்பற்றப்பட்டது.
Book p. 38
-
1987 ஒக்ரோபர் 10ம் திகதி அதிகாலையில் இந்தியப்படை திடீரென விடுதலைப்புலிகளுக்கெதிரான தமது இராணுவ நடவடிக்கையினை தொடங்கியது. முரசொலி, ஈழமுரசு எனும் பத்திரிகைப் பணிமனைகள் இந்தியப்படையினரால் குண்டு வைத்துத் தகர்க்கப்பட்டது.
Book p. 38
-
1987 ஒக்ரோபர் 10ம் திகதி பகல் இரண்டு மணியளவில் Operation Pawan என்ற பெயரில் விடுதலைப்புலிகளுக்கு எதிரான இந்திய இராணுவத்தின் படைநகர்வை விடுதலைப் புலிகள் எதிர்க்கத் தொடங்கினார்கள்.
Book p. 39
-
1987 ஒக்ரோபர் 10 முதற் பெண் போராளி 2ம் லெப்டினன்ட் மாலதி இந்திய இராணுவத்துக்கு எதிரான போரில் தனது உயிரைக்கொடுத்து ஈழச்சரித்திரத்தில் பெரும் சாதனைக்குரிய சரித்திரப் பக்கத்தைத் தொடக்கிவைத்தார்.
Book p. 39
-
1987 ஒக்ரோபர் 22 இந்திய அமைதி காக்கும் படை என்ற பெயரில் தமிழீழத்தில் கால்பதித்த இந்திய இராணுவம் யாழ் போதனாவைத்தியசாலைக்குள் புகுந்து நோயாளர்கள், வைத்தியர்கள் மற்றும் ஊழியர்கள் என்று 70 க்கும் மேற்பட்டவர்களை கண்மூடித்தனமாக சுட்டுக்கொன்றார்கள். இந்த நிமிடம் வரை இந்தியா இதற்குச் சரியான விளக்கமோ, மன்னிப்போ தெரிவிக்கவில்லை என்பது குறிப்பிடத்தக்கது.
Book p. 40
-
1988-1989 இந்திய பஞ்சாப் மாநிலத்தில் அமிர்தசரஸ் பொற்கோயில் தாக்குதல் தொடர்பாக இந்திய இராணுவத்திற்கு ஆலோசனை வழங்கிய ஒரு எஸ்.ஏ.எஸ் அதிகாரி இந்திய அமைதிப்படை ஈழத்தில் இருந்தபோது அவர் ஈழம் வந்து, இந்திய அமைதிப்படைக்கு ஆலோசனை வழங்கினார்.
Book p. 41
-
1988 மார்ச் 19 தொடக்கம் ஏப்ரல் 19 வரை மட்டக்களப்பில் அன்னை பூபதி என்ற ஈழத்தாய் இந்திய இராணுவ ஆக்கிரமிப்புக்கு எதிராக உண்ணாவிரதம் இருந்து உயிர் நீத்தார்.
Book p. 40
-
1989 மே 4ம் மற்றும் 5ம் திகதிகளில் தமிழீழ விடுதலைப் புலிகள் திரு பிரேமதாசா பேச்சுவார்த்தை முதல் நகர்வுகள் ஆரம்பமாகியது.
Book p. 41
-
1989 யூன் 16 - 19 வரை இரண்டாம் சுற்றுப் பேச்சுகள் நடைபெற்றது.
Book p. 42
-
1989 நவம்பர் 27 - இன்றைய நாள் புலிகள் அமைப்பால் முதலாவது மாவீரர் நாளாக அறிவிக்கப்பட்டது. முதல் மாவீரன் லெப்.சங்கர் (செ.சத்தியநாதன்) வீரச்சாவடைந்த நாள் எல்லா மாவீரர்களுக்கும் நினைவு நாளாகவும், மற்றையவர்கள் தமிழீழத்துக்கான உறுதிபெறும் நாளாகவும் அமையப்பெற்றது.
Book p. 42
-
1990 கலைபண்பாட்டுக்கழகம் ஆரம்பிக்கப்பட்டது.
Book p. 43
-
1990 தமிழீழ பொருண்மிய மேம்பாட்டுக் கழகம் விடுதலைப்புலிகளால் ஆரம்பிக்கப்பட்டு, தமிழீழ மக்களால் தற்சார்பு பொருளாதாரம் வென்றெடுக்கப்பட்டது. இந்த குமுக வளர்ச்சிக்கான செயற்பாடு 1990 க்கு முன்னரே திரு குட்டி மற்றும் திரு.தாஸ் அவர்களால் முன்னெடுக்கப்பட்டிருந்தது.
Book p. 43
-
1990 ஜனவரி 11 விடுதலைப்புலிகளின் முதற் பெண் தளபதி மேஐர் சோதியா சுகயீனம் காரணமாக வீரச்சாவடைந்தார். இவரின் பெயரில் சோதியா படையணி பிரிகேடியர் துர்க்காவின் தலைமையில் பின்நாட்களில் உருவாக்கப்பட்டது.
Book p. 44
-
1990 பெப்ரவரி இந்தியத் தலையீடு, இந்தியப்படை வருகை மற்றும் அதன் வெளியேற்றம் என்று பெரும் இடர்பாடுகளால் வெளியிடாமல் நிறுத்தி வைக்கப்பட்ட “விடுதலைப்புலிகள்” பத்திரிகை மீண்டும் வெளியீடானது.
Book p. 44
-
1990 பெப்ரவரி 19ம் திகதி ஈழநாதம் பத்திரிகை தொடங்கியது. தமிழீழப் பயணத்தில் ஈழநாதத்தின் பங்கு அளப்பரியது. 2009 வைகாசி 10ம் திகதிவரை இப்பத்திரிகை இயங்கி தனது பணியை நிறுத்திக்கொண்டது. உலகில் பாரிய இடப்பெயர்வுக்கு முகம் கொடுத்து இயங்கி வந்த பத்திரிகை என்ற சாதனை ஈழநாதத்துக்கு மட்டுமே உண்டு.
Book p. 45
-
1990 மார்ச் 24ல் இந்தியப்படைகள் ஈழத்தை விட்டு வெளியேறினார்கள்.
Book p. 45
-
1990 ஏப்ரல் 18ல் தலைவர் திரு பிரபாகரனிற்கும் சிறிலங்கா அரசபிரதிநிதி மற்றும் அன்றைய நீதி மந்திரி திரு ஜனாப் ஹமீத்திற்கும் இடையில் பேச்சுவார்த்தை நடந்தது. இதில் வடகிழக்கின் பாதுகாப்புச் சட்டத்தை மீளாய்வு செய்வது தொடர்பாகக் கலந்துரையாடப்பட்டது.
Book p. 46
-
1990 யூன் 10ல் மட்டக்களப்பு காவல்நிலையத்தில் இஸ்லாமிய பெண்ணுக்கெதிரான சிறிலங்கா காவல்துறையின் தரக்குறைவான செயலைக்கண்டித்த புலிகளுக்கும் காவல்துறைக்கும் இடையே மோதலாக வர, திரு ரஞ்சன் விஜேரத்தினா நாடாளுமன்றத்தில் “முழுமையாக புலிகள் மீது பாயப்போகின்றேன்” என்று கூறி ஆவேசப்பட்டுக் கூச்சலிட்டார். தமிழீழ விடுதலைப் புலிகளுக்கும் சிறிலங்கா இராணுவத்திற்கும் இடையேயான இரண்டாம் ஈழப்போர் ஆரம்பம்.
Book p. 46
-
1990 யூன் 27, 28, 29ல் விடுதலைப்புலிகளின் மகளிர் மாநாடு மூன்று நாட்கள் நடைபெற்றது. இது தமிழீழப்பெண்களின் பண்பாட்டசைவை புதிய விதி கொண்டு எழுதத்தொடங்கிய நாட்களாக அமைந்தது.
Book p. 47
-
1990 யூலை விடுதலைப்புலிகளால் மண்மீட்பு நிதியாக 16 கிராம் தங்கம் தமிழ் மக்களிடம் கடனாகப் பெறப்பட்டது. இது பின் நாட்களில், மண்மீட்பு நிதி மீளக்கையளிப்பு என்று 16 கிராம் தங்கநாணயம் பகுதி பகுதியாக ஒவ்வொரு வருடமும் மக்களிடம் கையளிக்கப்பட்டது.
Book p. 47
-
1990 யூலை 10ம் திகதி கடலில் நடந்த முதலாவது பாரிய தாக்குதலாக வல்வைக்கடலில் கடற்கரும்புலித்தாக்குதல் மூலம் கடற்படைப் போர்க்கப்பல் சேதமாக்கப்பட்டது. கடற்கரும்புலி மேஜர் காந்தரூபன், கடற்கரும்புலி கப்டன் கொலின்ஸ் மற்றும் கடற்கரும்புலி கப்டன் வினோத் இதில் வீரச்சாவைத் தழுவிக்கொண்டார்கள்.
Book p. 48
-
1990 செப்டெம்பர் 26 யாழ் கோட்டை புலிகளால் கைப்பற்றப்பட்டு, கோட்டையில் புலிக்கொடி ஏற்றப்பட்டது. இந்த நடவடிக்கை தியாக தீபம் லெப்டினன்ட் கேணல் திலீபனின் நினைவாக செய்யப்பட்டது குறிப்பிடத்தக்கது.
Book p. 48
-
1990 ஐப்பசியில் சிறிலங்கா அரசுடன் பிரித்தானிய அரசும் இணைந்து கிழக்கில் உள்ள இஸ்லாமியர்களை விசேட அதிரடிப்படைகளாகவும், புலனாய்வாளர்களாகவும், ஒட்டுக்குழுக்களாகவும் மாற்றி களத்தில் இறக்கி இஸ்லாமியருக்கும் தமிழருக்கும் தீர்க்கமுடியாத பகையை வளர்த்துவிட்டதோடு அல்லாமல் இந்தப் பகையுணர்வு வடக்கிலும் பரவ, இந்த நிலைமையை வடக்கில் தவிர்ப்பதற்காக வடபகுதியில் இருந்து தற்காலிகமாக இஸ்லாமியர்கள் வெளியேற்றப்பட்டார்கள்.
Book p. 49
-
1990 நவம்பர் 20ம் திகதி புலிகளின் குரல் வானொலி மக்கள் சேவை திரு ஜவான் தலைமையில் உருவாக்கப்பட்டது. இந்த வானொலி தமிழீழக்கலைஞர்கள் பலரை உருவாக்கியிருந்தது.
Book p. 49
-
1990 நவம்பர் 22-24ல் மாங்குளம் இராணுவமுகாம் தாக்கி அழிக்கப்பட்டது. இதில் கரும்புலி லெப்.கேணல் போர்க் உட்பட 62 போராளிகள் வீரகாவியமானார்கள். மாங்குளம் இராணுவ முகாம் தகர்க்கப்பட்டதன் மூலம் இராணுவம் இல்லாத மக்கள் வாழ்விடமாக மாங்குளம் மாற்றப்பட்டது.
Book p. 50
-
1990 நவம்பர் 27ல் இரண்டாவது மாவீரர் நாளன்று இயக்கத்தின் கொடியில் உள்ள எழுத்துகள் நீக்கப்பட்டு, புலிக்கொடி தமிழீழத்தின் தேசியக்கொடியாகப் பிரகடனப்படுத்தப்பட்டது.
Book p. 50
-
1990 நவம்பர் 27ல் மாவீரர் நாளில் முதற்தடைவையாக தமிழீழத்தேசியக் கொடி ஏற்றப்பட்டது.
Book p. 51
-
1991 “வெற்றிமனை மகளிர் உளவளத்துணை நிலையம்” எனும் மனநலன் பாதிக்கப்பட்டவர்களுக்கான இல்லம் ஆரம்பிக்கப்பட்டது. சிறீலங்கா இராணுவத்தின் படுகொலைகளை நேரில் பார்த்த மற்றும் அவற்றால் பாதிக்கப்பட்டவர்களுக்கும், குடும்பச் சச்சரவால் பாதிக்கப்பட்ட பெண்களுக்கான இல்லமாக இது ஆரம்பிக்கப்பட்டது.
Book p. 51
-
1991 புலிகளால் போக்குவரத்துக்கழகம் உருவாக்கப்பட்டது, 1995 க்கு பின்னர் தமிழீழப் போக்குவரத்துக்கழகமாக வளர்ச்சியடைந்து, பள்ளி மாணவர்களுக்கான பயணம் முற்றிலும் இலவசமாக்கப்பட்டது.
Book p. 52
-
1991 ஆண்டின் பிற்பகுதியில் “விடுதலைப்புலிகளின் கடற்புலிகள்” என்ற புதிய பெயருடன் விடுதலைப்புலிகளின் கடற்பிரிவு விரிவாக்கம் கண்டது.
Book p. 57
-
1991 ஏப்ரல் 10ம் திகதி புலிகளின் முதலாவது மரபுரீதியான தாக்குதல் அணியாக “சாள்ஸ் அன்ரனி” தாக்குதல் அணி உருவாக்கப்பட்டது. மாவட்டரீதியாக தேர்ந்தெடுக்கப்பட்ட போராளிகள் ஒன்றிணைக்கப்பட்டு 1500 பேரைக்கொண்ட சிறப்புப்படையணியாக இது உருவாக்கப்பட்டது. இதற்கான முதல் சிறப்புத்தளபதியாக பிரிகேடியர் பால்ராஜ் நியமிக்கப்பட்டார்.
Book p. 52
-
1991 மே 5ம் திகதி சாள்ஸ் அன்ரனி படையணியின் முதலாவது தாக்குதல் சமராக ஜோசப் முகாமில் இருந்து முன்னேறிய “வன்னிவிக்கிரம” இராணுவ நடவடிக்கைக்கு எதிரான முறியடிப்புச்சமர் அமைந்தது.
Book p. 53
-
1991 யூன் 6ம் திகதி கலை பண்பாட்டுக்கழகத்தால் சாவகச்சேரியில் நடாத்தப்பட்ட முத்தமிழ் விழாவில் தமிழீழ தேசிய விருதான மாமனிதர் என்ற உயர் மரியாதை கொடுக்கப்பட்டது. இது சமூகம் சார்ந்து தம்மை அர்ப்பணித்து செயலாற்றியவர்களுக்கு கொடுக்கப்படும் விருதாக ஆரம்பித்து வைக்கப்பட்டது.
Book p. 53
-
1991 யூலை 10 முதல் ஆவணி 23ம் திகதி வரை 43 நாட்கள் நடைபெற்ற நீண்டநாள் சண்டை. விடுதலைப்புலிகள் முதன் முதலில் ஆனையிறவு படைத்தளம் மீது ஒரு முற்றுகைச் சமரைத் தொடங்கியிருந்தார்கள். இதனை புலிகள் தமது எதிர்கால வளர்ச்சியின் பயிற்சிக்களமாக எடுத்துக்கொண்டார்கள். இது புலிகளை ஒரு மரபு இராணுவமாக மாற்றுவதற்கு போட்ட முதற்புள்ளியாக அமைந்தது.
Book p. 54
-
1991 யூலை 14ல் முதலாவது துயிலும் இல்லம் கோப்பாயில் உருவாக்கப்பட்டது, இங்கு முதல் மாவீரனாக கப்டன் சோலை (சந்தியாம்பிள்ளை கிறிஸ்ரி கஜேந்திரன்) இந்த நாளில் முதல் விதையாக விதைக்கப்பட்டான்.
Book p. 54
-
1991 ஆகஸ்ட் 29 மணலாற்றில் புலிகளின் உயிர் எடுப்பிற்கான “ஒப்ரேசன் மின்னல்” நடவடிக்கைக்கு எதிராக விடுதலைப்புலிகள் பாரிய எதிர்ச்சமர் செய்து அதை முறியடித்தார்கள்.
Book p. 55
-
1991 செப்டெம்பர் 19 தமிழீழ படைத்துறைப்பள்ளி ஆரம்பித்து வைக்கப்பட்டது.
Book p. 55
-
1991 ஒக்ரோபர் 22 சிங்கள அரசின் இனவழிப்புப் போரில் பெற்றோரை இழந்த பெண்பிள்ளைகளுக்காக செஞ்சோலை சிறுவர் இல்லம் தொடங்கப்பட்டது.
Book p. 56
-
1991 நவம்பர் 19 தமிழீழ வரலாற்றில் தமிழீழ காவல்துறை செயற்படத் தொடங்கிய நாள்.
Book p. 56
-
1992 தமிழீழ மருத்துவக் கல்லூரி ஆரம்பிக்கப்பட்டது.
Book p. 58
-
1992 தமிழீழ கல்வி மேம்பாட்டுப் பேரவை ஆரம்பிக்கப்பட்டது. 1993 மாசியில் தமிழீழ மாணவர்களுக்கு முதன் முதலாக முன்னோடித் தேர்வு வைக்கப்பட்டது.
Book p. 59
-
1992 ஜனவரி 5ம் திகதி “நவம் அறிவுக்கூடம்” ஆரம்பித்து வைக்கப்பட்டது. 1989 பங்குனி 5ம் திகதி போராட்டத்தில் முதல் கையிழந்த லெப்.கேணல் நவம் அவர்களின் நினைவாக, போராட்ட பயணத்தில் அங்கவீனமானவர்கள் மீண்டும் தமக்கான திறமையுடன் குமுகத்தில் செயற்படுவதற்காக ஆரம்பிக்கப்பட்டது.
Book p. 57
-
1992 மார்ச் 1ம் திகதி தமிழீழப் பெண்களின் ஆற்றல் என்ன என்பதை உலகம் தெரிந்து கொள்ள தமிழீழ கடற்புலிகளின் அணியில் மகளிர் படை ஆரம்பிக்கப்பட்ட நாள்.
Book p. 58
-
1992 மார்ச் 17–19 மணலாற்றைக் கைப்பற்ற “ஒப்பரேசன் சிக்சர்” என்ற பெயரில் கொக்குத்தொடுவாய் இராணுவமுகாமிலிருந்து ஒரு பாரிய இராணுவ நடவடிக்கையை சிறீலங்கா இராணுவம் மேற்கொண்டது. இதனைப் புலிகள் முறியடித்ததுடன் RCL என்ற பீரங்கியையும் புலிகள் கைப்பற்றியிருந்தார்கள்.
Book p. 59
-
1993 ஜனவரி 16 வங்கக் கடற்பரப்பில்வைத்து இந்தியக் கடற்படையினரால் முற்றுகையிடப்பட்டவேளை தாம் பயணித்த கப்பலுடன் சேர்த்து கேணல் கிட்டு உட்பட மற்றும் 10 அற்புதமான போராளிகள் தம்மைதாமே அழித்துக்கொண்டார்கள்.
Book p. 60
-
1993 ஜனவரி 25ல், தமிழீழ சட்டக்கல்லூரி உத்தியோகபூர்வமாக தொடக்கிவைக்கப்பட்டது.
Book p. 60
-
1993 பெப்ரவரி 13 தமிழீழ கல்வி மேம்பாட்டுப் பேரவை செயற்படத் தொடங்கியிருந்தது.
Book p. 61
-
1993 மார்ச் 13ல் “கிராமிய நிதியம்” ஆரம்பிக்கப்பட்டது. நிலங்களின் வளங்களை அறிவதும், விவசாய நிலங்களை வளப்படுத்துவதும், விவசாயிகளுக்கு கடன் கொடுத்து விவசாயத்துக்கு ஊக்கம் கொடுக்கவும், சேமிப்பை ஊக்கப்படுத்தி விவசாய சேமிப்புத் திட்டத்தையும் ஏற்படுத்தி இந்த நிதியம் முன்னின்று இறுதிவரை பணியாற்றியது.
Book p. 61
-
1993 மே “ஒளிவீச்சு” என்ற காணொளி மூலமான மாதாந்த செய்தித் தொகுப்பு தொடங்கிவைக்கப்பட்டது. இது பல கலைஞர்களை உருவாக்கியது, இதன் மூலம் மக்கள் யதார்த்த உண்மைகளை எமது மக்கள் தெரிந்து கொள்ளவும் புரிந்து கொள்ளவும் முடிந்தது.
Book p. 62
-
1993 மே 4ம் திகதி அன்று “ஜெயந்தன் படையணி” உருவாக்கப்பட்டது. “எங்கும் செல்வோம் எதிலும் வெல்வோம்” என்பது அவர்களுக்கே உரித்தான சொல்லாடல். வடகிழக்கு என்பது இவர்களின் உயிர்கொண்டு உறுதிப்படுத்தப்பட்ட தமிழீழ நிலத்தொடர்.
Book p. 62
-
1993 ஆகஸ்ட் 19 தமிழீழ நீதித்துறையின் நீதியாளர், சட்டவாளர் ஆகியோரின் சத்தியப்பிரமாண வைபவம் முதலில் நடந்தேறியது.
Book p. 63
-
1993 ஆகஸ்ட் 29ல் பருத்தித்துறைப் பெருங்கடலில் முதன் முதலில் “சுப்பர் டோரா” என்ற சிங்களத்தின் சக்திவாய்ந்த போர்ப்படகு கரும்புலிகளால் மூழ்கடிக்கப்பட்டது. கடற்கரும்புலிகள் மேஜர் புவீந்திரன், கப்டன் மணியரசன் இச்சாதனையைச் செய்திருந்தார்கள்.
Book p. 63
-
1993 செப்டெம்பர் 23 “ஒப்பரேசன் யாழ்தேவி”. இதில் நடந்த புலோப்பளைச் சமர் முக்கியமானது. புலிகள் ஒரு தரமான போர்வீரர்கள் என்ற பெயரை தமக்கானதாக ஆக்கிக்கொண்ட சண்டை.
Book p. 64
-
1993 நவம்பர் 1ம் திகதி “காந்தரூபன் அறிவுச்சோலை” தொடங்கப்பட்டது. இது சிறீலங்கா இராணுவத்தின் படுகொலைகளில் தாய், தந்தையை இழந்த ஆண்சிறுவர்களை பராமரிப்பதற்காகத் தொடங்கப்பட்டது. கரும்புலி மேஐர் காந்தரூபன் தலைவர் திரு பிரபாகரன் அவர்களிடம் வைத்த வேண்டுகோளுக்கு அமைவாக இது உருவாக்கப்பட்டது.
Book p. 64
-
1993 நவம்பர் 11ல் முதன் முதலில் கரும்புலி அணியாகச் சென்று தாக்குதலை ஆரம்பித்து வைத்தார்கள். இது பலாலித்தளம் மீது நடாத்தப்பட்டிருந்தது.
Book p. 64
-
1993 நவம்பர் 11-14 பூநகரி கூட்டுப்படைத்தளம் மீதான தாக்குதல். “தவளைப்பாய்ச்சல்” என்ற பெயரில் கடலாலும் தரையாலும் தாக்கப்பட்டு, முதன் முதலில் யுத்த டாங்கி கைப்பற்றப்பட்டது.
Book p. 65
-
ஏப்ரல் சித்திரை கேணல் கிட்டு அரசறிவியல் கல்லூரி ஆரம்பிக்கப்பட்டது. இது போராளிகளை சிறந்த ஆளுமையானவர்களாக உருவாக்கியிருந்தது.
Book p. 65
-
1994 மே தமிழீழ வைப்பகம் உருவாக்கப்பட்டது. உருவாக்கப்பட்டு பத்து வருடத்திற்குள் 12 கிளைகள் பரந்து விரிந்திருந்தது. இதில் “அமுதன்” சேமிப்பகம் என்ற சிறுவர் கணக்கை ஆரம்பித்து அடுத்த தலைமுறையினரின் வளர்ச்சிக்காக இத்திட்டத்தை அமுல்படுத்தியிருந்தார்கள்.
Book p. 66
-
1994 மே 6ம் திகதி தமிழீழ விவசாய ஊக்குவிப்பாக, வேளாண்மை வெற்றிக்கான பரிசில்கள் கொடுத்து தமிழீழ வேளாண்மைமூலம், தமிழீழம் ஒரு செழிப்பான பூமி என்ற நம்பிக்கையை எமது மக்களுக்கு உணர்த்திய நாள்.
Book p. 66
-
1994 ஆகஸ்ட் 16 காங்கேசன்துறை துறைமுகத்தில் தரித்து நின்ற சிறீலங்கா கடற்படையின் “அபித” என்ற கட்டளைக்கப்பலை கப்டன் அங்கயற்கண்ணி என்ற பெண்போராளி பல கடல்மையில் தூரம் நீந்திச் சென்று குண்டுவைத்து தாக்கினார். இது தனியே ஒரு இராணுவத்துக்கு எதிரான தாக்குதல் மட்டுமல்ல, பெண்கள் மேல் அதிகாரம் செய்யலாம் என்ற எண்ணம் உடையவர்கள் மேல்செய்யப்பட்ட ஒரு தாக்குதலாகவும் அமைந்தது.
Book p. 67
-
1994 செப்டெம்பர் 2ம் நாள் தலைவர் திரு பிரபாகரன் 10 கைதிகளை விடுதலை செய்து சமாதான முயற்சிக்கான சமிக்கையை வரவேற்றார். பல கடித பரிமாற்றங்களுக்குப் பிறகு பேச்சுவார்த்தை தொடங்கியது.
Book p. 67
-
1995 ஏப்ரல் 19 சந்திரிகாவுடனான பேச்சுக்களின் தோல்வியைத் தொடர்ந்து மூன்றாம்கட்ட ஈழப்போர் தொடங்கியது.
Book p. 68
-
1995 மே 31 திரியாய்க் காட்டுப்பகுதியில் “ராமசக்தி” என்ற பெயரில் பாரிய இராணுவநடவடிக்கை மேற்கொள்ளப்பட்டது, இதனை லெப்.கேணல் கில்மன் தலைமையில் புலிகள் முறியடித்திருந்தார்கள்.
Book p. 68
-
1995 யூன் 28 மண்டைதீவு படைத்தளம் மீதான அதிரடித்தாக்குதல். இந்த வெற்றிகரத்தாக்குதல் புலிகளின் கடல் ஆளுமையின் ஒரு அம்சமாக பார்க்கப்பட்டது.
Book p. 69
-
1995 ஒக்ரோபர் 17ம் திகதி சூரியக்கதிர் (ரிவிரெச) நடவடிக்கை ஆரம்பம்
Book p. 69
-
1995 ஒக்ரோபர் 30ம் திகதி யாழ் மற்றும் வலிகாம மக்கள் சனசமுத்திரமாக ஓர் இரவில் தம்மண்ணை விட்டு வெளியேற அது ஒரு வரலாற்று இடப்பெயர்வாக மாறியது. மனித நடமாட்டமற்ற வெறும் சூனியமாக இருந்த பிரதேசத்தை சிறிலங்கா இராணுவம் ஆக்கிரமித்தது.
Book p. 70
-
1995 டிசெம்பர் 5ம் திகதி மட்டக்களப்பு புதுக்குடியிருப்பு இராணுவ முகாம் தாக்கப்பட்டது.
Book p. 70
-
1996 ஏப்ரல் சூரியக்கதிர் 2 மூலம் தொடர்ச்சியாக தென்மராட்சி, வடமராட்சி பிரதேசங்களையும் சிறிலங்கா இராணுவம் தன்வசமாக்கியது. இந்தக்காலப்பகுதியே ஈழத்தமிழர்கள் புரட்சிகர அரசியல்மயப்பட்ட உச்சநாட்கள் என்று சொல்லலாம்.
Book p. 71
-
1996 மே “பொன்னம்பலம் வைத்தியசாலை” மக்களின் மருத்துவ தேவைக்காகத் திறந்துவைக்கப்பட்டது. வைத்தியர் திரு பொன்னம்பலம் அவர்களின் மக்கள் மருத்துவ சேவை நினைவாக இது திறந்துவைக்கப்பட்டது.
Book p. 71
-
1996 யூலை 18 விடுதலைப்புலிகளால் முல்லைத்தீவு இராணுவத்தளம் மீட்கப்பட்டு மீண்டும் அந்த மண்ணுக்கு உரித்தான மக்களின் மீள்வாழ்வுக்காக கையளிக்கப்பட்டது. இத்தாக்குதலில் முதன் முதலில் புலிகள் ஆட்லறி பீரங்கியைக் கைப்பற்றி, அதன் பின் பீரங்கிப்படையணி கேணல் ராயு தலைமையில் உருவாக்கப்பட்டது.
Book p. 72
-
1996 யூலை 26ல் “ஒப்பரேசன் சத்ஜய” நடவடிக்கை ஆனையிறவு படைத்தளத்தில் இருந்து சிறிலங்கா இராணுவம் கிளிநொச்சியை நோக்கி பாரிய இராணுவ நடவடிக்கையை மேற்கொண்டார்கள். இந்த நடவடிக்கை சத்ஜெய 1, 2, 3 என்று மீண்டும் மீண்டும் பாரிய இராணுவ நகர்வாக அமைந்தது. புலிகள் இதற்கெதிராக பாரிய இடைமறிப்புச்சண்டையை செய்தார்கள்.
Book p. 72
-
1997 - 1998 இலங்கையின் புதிய இராணுவக் கட்டளை மற்றும் மாணவர் கல்லூரியை கட்டியமைப்பதில் பிரிட்டன் அதிகாரிகள் முக்கியமான பங்கு ஆற்றினார்கள். ஒரு பிரிட்டிஸ் கேர்ணல் அந்த கல்லூரியில் நிரந்தரமாக இணைக்கப்பட்டார். இந்தக்கல்லூரியின் முதல் அணி மாணவன் கொலைக்களங்களில் தளபதியாக இருந்த கமல் குணரத்னே ஆவார்.
Book p. 74
-
1997 மே 13ம் திகதி “ஜயசிக்குறு” (வெற்றி நிச்சயம்) என்ற பெயரில் சிறிலங்கா அரசு பெரும் பொருட்செலவிலும் ஆட்தொகையையும் ஈடுபடுத்தி வவுனியா ஓமந்தையில் இருந்து இராணுவ நடவடிக்கையை ஆரம்பித்தது, இதுவே தமிழீழப்போரில் மிக நீண்ட இடைமறிப்புச்சமராக பதிவாகியது. இந்தச்சமர் இராணுவ சமநிலை நோக்கி புலிகளை நகர்த்தத்தொடங்கிய சமர்க்களம். இதுவே தமிழீழத்தில் நடந்த சமர்களுக்கெல்லாம் தாய்ச்சமர். இதில் புளியங்குளம் களமுனை புலிவீரர்களை உருவாக்கிய ஊற்றுக்கேணி என்றே சொல்லலாம்.
Book p. 73
-
1997 யூன் 10 தாண்டிக்குளம் முகாம் புலிகளால் வலிந்து தாக்கப்பட்டது, இதில் முதல் பெண் தரைக்கரும்புலி மேஜர் யாழினி காவியமானார்.
Book p. 73
-
1997 யூன் 24 ஓமந்தை பெரியமடு இராணுவத்தளம் ஊடுருவித் தாக்கப்பட்டது.
Book p. 74
-
1997 ஒக்ரோபர் 8ம் திகதி அமெரிக்கா விடுதலைப்புலிகளை சர்வதேச பயங்கரவாதப்பட்டியலில் சேர்த்தது.
Book p. 75
-
1998 செப்டெம்பர் 26ம் திகதி “ஓயாத அலை 2” சமர் தொடங்கி, கிளிநொச்சி நகரை புலிகள் மீட்டெடுத்தார்கள். இதுவே “ஜயசிக்குறு” ஆட்டம் கண்ட இடம்.
Book p. 75
-
1998 டிசெம்பர் 13ல் “ரிவிபல” என்ற பெயரில் புதிய இராணுவ நடவடிக்கையை ஆரம்பித்து ஒட்டிசுட்டான் பகுதியை ஆக்கிரமித்து புதிய களமுனையைத் திறந்து வைத்தது சிறிலங்கா இராணுவம்.
Book p. 76
-
1999 ஜனவரி 31ல் முல்லை மாவட்ட நுண்கலைக்கல்லூரிகள் ஆரம்பித்து வைக்கப்பட்டது. இது ஈழத்தமிழ் இளையவர்கள் பலரின் வரைதல், இசை, இசைக்கருவிகள் இசைத்தல் மற்றும் சிற்பம் போன்ற திறமைகள் இனங்காணப்பட்டு வளர்த்தெடுக்கப்பட்டது. இதன் தொடர்ச்சியாக 2004ல் ஓவியக்கண்காட்சி மற்றும் தமிழ்சிங்களக் கலைக்கூடல் போன்ற மிக முக்கிய நிகழ்வுகள் நிகழ்த்தப்பட்டன.
Book p. 76
-
1999 ஒக்ரோபர் 14ல் “வோட்டஷெட்” என்ற இராணுவ நடவடிக்கையை ஆரம்பித்தது சிறீலங்கா அரசு.
Book p. 77
-
1999 நவம்பர் 01ம் திகதி “ஓயாத அலை 3” தொடங்கியது இதன்மூலம் சிறீலங்கா இராணுவத்தின் வருடக்கணக்கான அத்தனை இராணுவ நடவடிக்கைகளும் துடைத்தெறியப்பட்டது.
Book p. 77
-
2000 மார்ச் 26 கடற்புலிகளால் பாரிய தரையிறக்கம் ஒன்று குடாரப்பில் நிகழ்த்தப்பட்டது. இது விடுதலைப்புலிகளின் கடற்புலிகளின் சாதனையின் மைல் கல்லாகப் பதிவாகியது. பிரிகேடியர் பால்ராஜ் மற்றும் நூற்றுக்கணக்கான போராளிகள் தரையிறங்கியிருந்தார்கள். இது உலக விடுதலை இயக்கங்களுக்கே ஒரு உற்சாகமான சாதனையாக பதிவாகியது.
Book p. 78
-
2000 ஏப்ரல் 17ல் “தேட்டக் கணக்கு” ஆரம்பித்துவைக்கப்பட்டது. இது எல்லைப்படை வீரர்களின் குடும்பங்களுக்கான, முக்கியமாக வீரச்சாவடைந்த எல்லைப்படை வீரர்களின் குழந்தைகளின் கல்வி எதிர்காலத்திற்காக இந்த நடைமுறை அறிமுகமானது.
Book p. 78
-
2000 ஏப்பிரல் 23ம் திகதி தமிழீழத்தின் முக்கிய ஒரு பகுதியாக மட்டுமல்ல சிறிலங்கா இராணுவத்தின் கேந்திர தளமாக இருந்த ஆனையிறவுத் தளம் முழுவதுமாக புலிகளால் மீட்கப்பட்டது. இது புலிகளின் இராணுவ சமநிலையை நிர்ணயிக்கும் புள்ளியாக இருந்தது குறிப்பிடத்தக்கது. இத்தாவில் பகுதியில் இருந்து பிரிகேடியர் பால்ராஜ் அவர்களும், பரந்தன் பகுதியில் இருந்து பிரிகேடியர் பானு அவர்களும் ஆனையிறவில் வந்து கைகோர்த்து ஆனையிறவு இராணுவ முகாம் புலிகள் வசமானதை உறுதிப்படுத்திக்கொண்ட நாள். புலிகளின் போராற்றல் பதிவாகிய நாள்.
Book p. 79
-
2000 யூன் 25 யாழ் குடாநாட்டுக்குத் தேவையான நவீன ஆயுதங்களை ஏற்றிச்சென்ற “உகண” என்ற சிறீலங்கா இராணுவக் கப்பல் கடற்புலிகளால் மூழ்கடிக்கப்பட்டது. இது கடற்புலிகளின் வரலாற்றில் என்றும் மறக்கமுடியாத கடற்சண்டையாக பதிவானதோடு, தரையில் மட்டுமல்லாமல் கடலிலும் இராணுவச் சமநிலையை உறுதிப்படுத்திய சண்டையாக தடம்பதித்தது. இந்தச் சாதனையின் வீரர்கள், கரும்புலிகள் லெப்.கேணல் ஞானக்குமார், மேஜர் சந்தனா, மேஜர் சூரன், கப்டன் பாமினி, மேஜர் நல்லப்பன் மற்றும் கப்டன் இளமதி ஆகியோராவர்.
Book p. 79
-
2000 யூலை 10ம் திகதி கொழும்புத்துறையில் இருந்து “கினிகிர” இராணுவ நடவடிக்கை எதிர்ச்சமர் புலிகளால் நடாத்தப்பட்டது.
Book p. 80
-
2000 ஆகஸ்ட் 31ம் திகதி விடுதலைப் புலிகளின் தலைவர் வே.பிரபாகரன் அவர்களுக்கும் நோர்வே தூதுவர்களுக்கும் மத்தியிலான சந்திப்பு நிகழ்ந்தது.
Book p. 80
-
2000 டிசெம்பர் 24 அன்று தமிழீழ விடுதலைப் புலிகள் ஒருதலைப்பட்சமாக போர் நிறுத்தம் ஒன்றை அறிவித்தார்கள். ஆனால் ஜனாதிபதி செயலகம் வெளியிட்ட அறிக்கையில் விடுதலைப் புலிகளுக்கு எதிரான அரசபடைகளின் தாக்குதல் தொடரும் என அறிவித்தது.
Book p. 81
-
2001 தியாக தீபம் திலீபன் மருத்துவமனை கட்டியமைக்கப்பட்டது. கிராமப்புற மக்களின் அடிப்படை மருத்துவ உதவிகளைப் பூர்த்தி செய்யும் நோக்கில் இது தொடங்கப்பட்டது.
Book p. 83
-
2001 பிரிட்டன் பயங்கரவாத தடைச்சட்டத்தின் கீழ் விடுதலைப்புலிகளை தடை செய்தது.
Book p. 83
-
2001 இடைக்கால நிர்வாகசபை திட்டம் ஒன்றை தமிழீழ விடுதலைப்புலிகள் சிறிலங்கா அரசிடம் கொடுத்தார்கள், அரசு இதை ஏற்காமல், சட்டச்சிக்கலான இறுதித்தீர்வு பற்றி விவாதிப்பதற்கு புலிகளை அழைத்தார்கள்.
Book p. 84
-
2001 ஜனவரி 21ம் திகதி யாழ் பல்கலைக்கழக திறந்தவெளி அரங்கில் தமிழீழ மாணவர் சமூகத்தால் “பொங்குதமிழ்” என்று பெயரிடப்பட்ட மாபெரும் மக்கள் நிகழ்வு நடாத்தப்பட்டது. இதன் பிரதான முழக்கமாக சிங்கள அரசின் கொலைகளை நிறுத்தக்கோரியதாக இந்நிகழ்வு அமைந்திருந்தது.
Book p. 81
-
2001 ஏப்ரல் 25ம் திகதி “அக்கினிகீலா” (தீச்சுவாலை) இராணுவ நடவடிக்கை. புலிகள் இந்த இராணுவ நகர்வை முற்றாகத் தாக்கி அழித்து சிறிலங்கா இராணுத்துடனான இராணுவ சமநிலையை அடைந்தார்கள்.
Book p. 82
-
2001 யூலை 24 கட்டுநாயக்காவில் அமைந்திருந்த சிறீலங்கா வான்படைத்தளம் அழித்து தரைமட்டமாக்கப்பட்டது. இதில் எந்த ஒரு பொதுமக்களும் பாதிக்கப்படவில்லை என்பது மிக முக்கியமான விடயம். இதன் பின் இராணுவரீதியாக சிறீலங்கா அரசு புலிகளிடம் சமராட முடியாத இடத்தை அடைந்திருந்தார்கள்.
Book p. 82
-
2001 டிசெம்பர் விடுதலைப் புலிகளின் ஒருதலைப்பட்ச போர்நிறுத்த அறிவிப்பு.
Book p. 84
-
2002ல் விடுதலைப்புலிகளின் நிதிப்பொறுப்பாளராக இருந்த கேணல் தமிழேந்தி அவர்களால் குழந்தைகளுக்கு அழகான தமிழ்ப்பெயர் வைப்பதனை ஊக்குவித்து, தமிழ்ப்பெயர் வைப்பவர்களுக்கு தமிழீழ வைப்பகத்தில் சேமிப்புக்கணக்கு ஆரம்பித்து அக்குழந்தையின் பெயரில் பணமும் வைப்பிலிடப்பட்டு ஊக்குவிக்கப்பட்டது. போராளிகளுக்கான தமிழ்ப்பெயர் மாற்றத்தினை இதற்கு முன்னராகவே செய்து வந்தார் என்பது குறிப்பிடத்தக்கது.
Book p. 88
-
2002 பெப்ரவரி 10ம் திகதி திலீபன் மருத்துவ சேவையின் முன்னெடுப்பாக முள்ளியவளையில் உள்ள பூதன்வயல் என்ற கிராமத்தில் திலீபன் சுகாதாரமையமாக ஆரம்பித்து 105 கிராமங்களில் இந்த சேவை விரிவாக்கம் கண்டிருந்தது.
Book p. 85
-
2002 பெப்ரவரி 22ல் விடுதலைப் புலிகளின் தலைவர் வே.பிரபாகரன் போர்நிறுத்த ஒப்பந்தத்தில் முதலில் கைச்சாத்திட்டார்.
Book p. 85
-
2002 ஏப்ரல் 10ம் திகதி வன்னியில் விடுதலைப்புலிகள் ஒரு சர்வதேச ஊடகவியலாளர் சந்திப்பை செய்திருந்தார்கள். இதில் 700 க்கும் மேற்பட்ட செய்தியாளர்கள் பங்குபற்றியிருந்தார்கள்.
Book p. 86
-
2002 யூலையில் பாதுகாப்பு ஆய்வுகுறித்து சிறீலங்காவுக்கு பிரிட்டன் ஆலோசனைகள் வழங்கத் தொடங்கியது.
Book p. 86
-
2002 செப்டெம்பர் 16ம் திகதி, தாய்லாந்தில் பேச்சுவார்த்தை ஆரம்பமானது. இதைத்தொடர்ந்து 2003 பங்குனி 18ம் திகதி வரை ஆறு சுற்று பேச்சுவார்த்தைகள் நடைபெற்றன.
Book p. 87
-
2002 நவம்பர், அமெரிக்காவின் பசுபிக் கட்டளை அதிகாரியால் ஒரு அறிக்கை கொடுக்கப்படுகின்றது, அந்த அறிக்கையில் திருகோணமலை துறைமுகத்தைச்சுற்றி புலிகளின் முகாம்கள் உள்ளன. விடுதலைப்புலிகளுக்கெதிராக அடுத்த யுத்தம் தொடங்கும்போது இந்த இடத்தில் இருந்துதான் தொடங்கவேண்டும் என்று இராணுவ அறிக்கை சிறிலங்கா இராணுவத்திற்கு கொடுக்கப்படுகின்றது. ஐக்கிய அமெரிக்க இராணுவத்துடனான உறவு இன்றும் தொடர்கிறது.
Book p. 87
-
2003ல் பிரிட்டன் பெருமளவிலான ஆயுதங்களை சிறீலங்காவுக்கு விற்றது.
Book p. 88
-
2003 “வெண்புறா” அமைப்பு ஆரம்பிக்கப்பட்டது, சிறீலங்கா இராணுவத்தின் தாக்குதலில் அங்கவீனமானவர்களுக்கு செயற்கை உறுப்புகளை செய்து கொடுப்பதற்காக இது செயற்பட்டது.
Book p. 89
-
2003 தமிழ் மொழிமூலம் பல துறைகள் சார்ந்து படிப்பதற்காகவும், எமது சமூகம் சார்ந்த ஆய்வுக்காகவும் கிளிநொச்சி நகரில் பல்கலைக்கழகம் உருவாக்கப்பட்டது.
Book p. 90
-
2003 “விஞ்ஞான அறிவியற் கல்லூரி” ஆரம்பிக்கப்பட்டது. இங்கு தாதியர், மருந்தாளர்கள் மற்றும் சுகாதார பிரிவில் வேலை செய்வதற்கான பயிற்சிகள், பரீட்சைகள் நடத்தப்பட்டது.
Book p. 91
-
2003 ஏப்ரல் 14ம் திகதி, அமெரிக்காவின் தலைமையில் வாஷிங்டனில் சிறீலங்காவுக்கு உதவி வழங்கும் நாடுகளின் சர்வதேச மாநாடு ஒன்று ஒழுங்கு செய்யப்பட்டது. இதில் சிறீலங்கா அரசும் விடுதலைப் புலிகளும் சம பங்காளிகளாக பேச்சுவார்த்தை தொடங்கியிருந்த போதும், விடுதலைப் புலிகள் தடைசெய்யப்பட்ட அமைப்பு என்றும் விடுதலைப்புலிகள் சம அந்தஸ்து இல்லை என்றும் அவர்கள் வரமுடியாது என்று அமெரிக்கா சமாதான பேச்சுக்கு முற்றுப்புள்ளி வைக்க இதுவே இறுதி யுத்தத்தின் தொடக்கப்புள்ளியானது.
Book p. 89
-
2003 யூலை மாதம் குரங்குபாஞ்சானில் பத்து வருடங்களுக்கு மேலாக இருந்த புலிகளின் முகாமை அகற்றவேண்டும் என்ற சிங்களத்தின் விசித்திரமான நடவடிக்கை சமாதானத்தையே உலுப்பிப்போட்டது. குரங்குபாஞ்சானில் சிங்கள குடியேற்றம் செய்வதற்கு போர்நிறுத்த கண்காணிப்புக்குழு மூலம் சிங்களம் நடவடிக்கை எடுத்தது. தமிழ் மக்கள் வாழ்விடங்களை விடுவிக்கமுடியாத சிங்களம், புதிதாக தமிழ்ப்பிரதேசங்களில் சிங்கள மக்களைக் குடியேற்ற சமாதானத்தைப் பயன்படுத்துவதை புலிகள் சமரசமின்றி எதிர்த்தார்கள்.
Book p. 90
-
2003 ஒக்ரோபர் 09 டோக்கியோ அமர்வுளை விடுதலைப்புலிகள் மறுத்துவிட்டனர், கடந்தகால பேச்சுகளிலும் ஒப்பந்தங்களிலும் இருந்ததுபோல் சிறிலங்கா அரசு நடந்து கொள்ளாததால், என்ன அடிப்படையில் பேச்சுவார்த்தைகளில் ஈடுபடுவது என்ற நிலையில் விடுதலைப் புலிகள் பேச்சுவார்த்தையில் இருந்து விலகல். ஆனால் போர்நிறுத்த ஒப்பந்தம் விடுதலைப் புலிகளால் மதிக்கப்பட்டது.
Book p. 91
-
2003 ஒக்ரோபர் 31ல் இடைக்கால தன்னாட்சி நிர்வாக சபை வரைபு ஒன்று தமிழ்த்தரப்பு அறிஞர்களால் தயாரிக்கப்பட்டு அரசியல்துறைப் பொறுப்பாளர் பிரிகேடியர் சு.ப.தமிழ்ச்செல்வன் அதனை சர்வதேசத்திடம் கையளித்தார்.
Book p. 92
-
2004 ல் பிரிட்டன் பாதுகாப்பு அதிகாரி ஒருவர் அடுத்து வரும் மூன்று ஆண்டுகள் இலங்கை இராணுவத்திற்கு ஒரு விரிவான பயிற்சி அளிக்கவும் மேம்பாட்டுத்திட்டங்களை அமைக்கவும் பொறுப்பாக நியமிக்கப்பட்டார்.
Book p. 93
-
2004 ஏப்பிரல் 20ல் தமிழீழத்தில் (இலங்கைத்தீவிலேயே) முதலில் 10 கிலோ-வாற் காற்றாலை மின் உற்பத்தித் திட்டம் கிளிநொச்சி நகரில் தொடக்கிவைக்கப்பட்டு, அந்த நகரின் மின்சார தேவை பூர்த்தியாக்கப்பட்டது.
Book p. 94
-
2004 பெப்ரவரி தமிழீழ தேசிய விளையாட்டு விழா அறிமுகப்படுத்தப்பட்டது. பின்னர் ஒவ்வொரு வருடமும் தமிழீழ எல்லைக்குட்பட்ட அனைவரும் பங்குபற்றும் ஒரு விளையாட்டு நிகழ்வாக நடைபெற்றது.
Book p. 92
-
2004 ஏப்ரல் விடுதலைப் புலிகளின் மட்டக்களப்பு தளபதியாக இருந்த ஒருவர், கடந்த இருபது வருடங்களாக சிங்களத்தாலும், பிற நாடுகளாலும் அறியமுடியாத புலிகளின் அத்தனை உழைப்பையும் தனது துரோக வாழ்வுக்காக எதிரியிடம் கொடுத்து பிரிந்து செல்லுகிறார்.
Book p. 93
-
2004 யூன் 4ம் திகதி “அன்புச்சோலை மூதாளர் பேணலகம்” ஆரம்பித்து வைக்கப்பட்டது. தமிழீழத்தில் யாரும் அற்றவர்கள் என்று எவரும் இல்லை என்ற எண்ணத்துக்கமைய, பல காரணங்களால் தனிமையானவர்களுக்காக இந்த இல்லம் திறந்துவைக்கப்பட்டது.
Book p. 94
-
2004 யூலை நிசோர் எனும் மனித உரிமை அமைப்பு உருவாக்கப்பட்டது. தமீழீழ மக்களின் படுகொலைகளை ஆவணமாகத் தொகுத்த முதல் அமைப்பு இதுவாகும்.
Book p. 95
-
2004 யூலை 27 “உப்பு உற்பத்திப் பேட்டை” ஆனையிறவில் அயடீன் உப்பு உற்பத்தி கூடம் மூலம் அயடீன் சேர்க்கப்பட்ட உப்பு உற்பத்தி செய்யப்பட்டு சிறீலங்கா தேசத்துக்கும் அனுப்பப்பட்டது
Book p. 95
-
2004 டிசெம்பர் 26ல் சுனாமியால் பல ஆயிரம் மக்கள் இறப்பு முல்லைத்தீவு உட்பட கிழக்கு தமிழீழ கடற்கரை பிரதேசத்து சொத்துக்கள் கூடுதலாக அழிந்துபோயின. கடற்புலிகளால் கரையோர மக்களுக்காக ஏற்படுத்தப்பட்ட நிறுவனங்கள் தொழில்கூடங்கள் முற்றாக அழிந்துபோயின.
Book p. 96
-
2005 ஐரோப்பிய தலைமை பிரிட்டன் வசம் இருந்தபோது, விடுதலைப்புலிகள் ஐரோப்பாவுக்குள் சுதந்திரமாக வருவதைத் தடுப்பதற்காக, பிரிட்டன் தலைமையில் சரியான முறையில் ஒரு விவாதமோ, சம்பந்தப்பட்ட நபர்களோ இல்லாமல், ஐரோப்பிய பாராளுமன்றத்தில் நடந்த விவசாய ஒன்றுகூடலில் விடுதலைப்புலிகள் மேல் தடைக்கான ஆணையைப் பெற்றார்கள்.
Book p. 96
-
2005 சிறிலங்கா அரசு விடுதலைப் புலிகள் ஆட்சியில் உள்ள பகுதிகளுக்கு சுனாமி நிதியுதவி கிடைப்பதைத் தடுத்தது
Book p. 97
-
2005 யூலை 27ல் தமிழீழ தேசிய எழுச்சி மாநாடு வவுனியாவில் நடைபெற்றது.
Book p. 97
-
2006 பெப்ரவரி 22ம் திகதி இரண்டாம் சுற்று பேச்சு ஆரம்பித்தது. ஆரம்பித்த ஒரு பேச்சுச் சுற்றுடனேயே அது நின்றுவிட்டது. பேச்சுவார்த்தை உடன்படிக்கையின் 1:8 சரத்தின் படி இருதரப்பும் ஒப்புக்கொண்ட விடயத்தை மீறி ஒட்டுக்குழுக்கள் மூலம் தமிழர்கள் மீதான தாக்குதலை சிறீலங்கா அரசு தீவிரப்படுத்தியதே முக்கிய காரணமாக அமைந்தது.
Book p. 98
-
2006 மே 26 ஐரோப்பிய யூனியன் விடுதலைப்புலிகள் அமைப்பை தடைசெய்தார்கள். இத்தடையுடன் கடந்தகால அத்தனை ஈழத்தமிழ் குமுகமக்கள் பற்றிய கருத்தாக்கங்களும் தூக்கியெறியப்பட்டது.
Book p. 98
-
2007 லிப்ரா ஆலோசனைக்குழு என்ற பிரிட்டிஸ் நிறுவனம் இலங்கையின் உளவு சேவைகளை மேம்படுத்தியது.
Book p. 99
-
2007 மார்ச் 26ம் திகதி அதிகாலை 1.45 மணிக்கு கட்டுநாயக்கா இராணுவ விமானத்தளம் மீது புலிகளால் விமானத்தாக்குதல் நடத்தப்பட்டது. இதுவே ஈழத்தமிழர்கள் விமானம் மூலம் நடத்திய முதல்தாக்குதல். சித்திரை 24ல் பலாலியிலும், சித்திரை 29ல் கொழும்பில் உள்ள கொலன்னாவத் தளத்துக்கும் தாக்குதல் நடாத்தினார்கள்.
Book p. 99
-
2008 சிறீலங்கா அரசு உலகத்தையே திரட்டிவந்து விடுதலைப்புலிகளோடு போரைச் செய்யத்தொடங்கிய காலம், இந்தநாளில் இருந்து 2009 வைகாசி இறுதிவரை ஒவ்வொரு நொடிகளும் பதிவாக்கப்படவேண்டிய காலப்படிமங்கள்.
Book p. 100
-
2009 மே முள்ளிவாய்க்கால் இனவழிப்பு, இந்தநாளில் எமது மக்கள் வகைதொகையின்றி கொல்லப்பட்டு சிங்கள பௌத்தம் தனது இன அழிப்பை தனது வெற்றியாக உலகுக்கு காட்ட உலகம் அதை தனது புதிய பொருளாதாரக் கொள்கை மற்றும் பிராந்திய நலனுக்காக மூடி மறைத்தது.
Book p. 100