Skip to content
Tamil Eelam Archive
தமிழ்
SENBAGAM – THE NATIONAL BIRD OF TAMIL EELAM

Article · கட்டுரை TEA-A-003122

SENBAGAM – THE NATIONAL BIRD OF TAMIL EELAM

செண்பகம் – தமிழீழத்தின் தேசிய பறவை

Accession no. · காப்பக எண்
TEA-A-003122
Collection · தொகுப்பு
NATIONAL SYMBOLS OF TAMIL EELAM
Type · வகை
Article · கட்டுரை
Format · வடிவம்
Text · உரை
Added · சேர்க்கப்பட்டது
28 August 2023
Cite this record · மேற்கோள் காட்ட

“SENBAGAM – THE NATIONAL BIRD OF TAMIL EELAM” [செண்பகம் – தமிழீழத்தின் தேசிய பறவை]. NATIONAL SYMBOLS OF TAMIL EELAM. தமிழீழ ஆவணக் காப்பகம் / Tamil Eelam Archive, TEA-A-003122. https://tamileelamarchive.com/articles/3122

பறவைகளைப் பொறுத்தவரை அதிக பறப்புத்திறன் கொண்ட பறவைகளுக்கு பெரும்பாலும் ஒரு மண்ணுக்குரிய தனித்துவ பூர்வீர்கத் தன்மை கிடையாது. சில பறவைகள் நீண்டகாலத்துக்கு ஒரு தடவை புலம்பெயரும். பறப்புத்திறன் குறைந்த பறவைகள் இந்த புலப் பெயர்ச்சிக்குப்படுவதில்லை. இதனால் பறப்புத்திறன் குறைந்த பறவைகளே ஒரு மண்ணுக்குரிய மரபுரிமைச் சொத்துக்களாகின்றன. உலகின் அதிகமான நாடுகளின் தேசியப் பறவைகளாக பறப்புத் திறன் குறைந்த பறவைகளே இருக்கின்றன.

நமது தாயகத்தில் காடை, செண்பகம், காட்டுக்கோழி, மயில் என்பன உலகின் பலபகுதிகளிலும் உள்ளன. இனக்கூற்று அடிப்படையில் இவற்றில் நமது தாயகத்திற்குரிய தனித்துவ அம்சங்கள் குறைவாகவே உள்ளன.

இந்த வகையில் தமிழர் தாயகத்தில் பறப்புத்திறன் குறைந்த மரபுரிமைச் சொத்தாக உள்ள பறவைகளில் தனித்துவ அம்சங்கள் நிறைந்த செண்பகம் தேசியப் பறவையாகப் பிரகடனப்படுத்தப்படுள்ளது.

செண்பகம் பொதுவாக ஆங்கிலத்தில் கிறேற்றர் கூகல் அல்லது குறோ பீசன்ற் என அழைக்கப்படுகின்றன. நமது தாயகத்திலும், இந்தியா, சீனா, ஆகிய நாடுகளிலும் இதன் இனங்கள் வாழ்கின்றன.

கறுப்பு உடலையும் காவிநிற செட்டைகளையும் கொண்ட செண்பகம் காகத்தை விட சற்றுப் பெரியது. நமது சூழலில் இவை தத்தித் தத்தி திரிவதை நாம் காணலாம். இது உலர்வலயப் பகுதிகளில் தான் அதிகம் உள்ளது. மெதுவாக நடையும், தத்தித் தத்தித் பாய்தலும் இதன் தனித்துவ செயற்பாடுகள். பற்றைகள், சிறு மரங்களின், கீழ்ப்பகுதிகள் இதன் வாழிடங்கள். நத்தைகள், பூச்சிகள், தவளைகள், பாம்புகள், செண்பகத்தின் உணவுகள் ஆகும். பிற பறவைகளின் கூடுகளில் இடப்பட்ட முட்டைகளையும் செண்பகம் உண்ணும். இது தொடர்ந்து 3 முதல் 4 வரையான முட்டைகளை இட்டு அடைகாக்கும்.